روٹی کپڑا اور مکان
بھورا کھر دھرا میلا کچیلا کمبل اسکو کاٹنے لگا تھا ۔
مگر پھر بھی اسنے اسے چا روں طرف لپیٹ لیا ۔ہٹ جانے پر مچھّر بری طر ھ بھنبھو ڑ نے لگتے تھے ننید نہ پوری ہونے سے اسے چکّر آتے اور پھر رات کی ڈیو ٹی سے ہا تھ ٹو ٹنے لگتے ،پیروں میں جان نہیں رہتی ۔اس لیئے وہ چا ہتا تھا کہ کسی طرح ننید کو ان مچھّرو ں سے بچا لے ۔وہ بار بار اپنا کمبل پیروں پر برا بر کرتا اور اسکے پھٹے ہوئے حصّے سے پھر مچھّر اندر آنے لگتے ۔ایک عجیب سی بے بسی اسپر طاری ہوئی ۔۔اور تبھی اک خیا ل اچا نک اسے چھو گیا ۔
کل اسکی قید کا آخری دن ہے اور پھر آذا دی ۔۔۔۔۔نہ جان تو ڑ محنت نہ مچھّر نہ بھوک ۔۔نہ ننید کا غم ۔۔
آہ ۔۔۔۔۔اسنے کراہ کر کر وٹ بدلی ۔آخر ننید آکیو ں نہیں جاتی ؟
وہ کمبل جھٹک کر بیٹھ گیا ۔
کل سے یہ سب ختم ۔۔۔یہ تکلیف دہ راتیں اور دن ۔بیکار کی جھڑکیا ں ۔۔ڈانٹ پھٹکار ۔۔۔۔سب کچھ ختم ۔۔۔۔۔
وہ اٹھ کر ٹہلنے لگا ۔۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭رات کا آخری پہر سست روی سے گزر رہا تھا ۔سا رے قیدی ننید میں ڈوبے ہوئے تھے اپنی اپنی تکلیفوں سے آذاد سبھی ننید کے مزے لوٹ رہے تھے ۔۔۔اک وہی تھا جس کا دل بے چین تھا جسے کسی صورت قرار نہ تھا اسکے سامنے وہ سارے دن اپنی تقدیر کی سیا ہیا ں لیئے کھڑے تھے جھنہیں چھو ڑ کر وہ یہا ں آیا تھا ۔
دن بھر کام کی تلا ش میں بھٹکنا ،شا م ڈھلے خالی ہاتھ واپس گھر آنا ،بیوی کی جھنجھلا ہٹ۔۔۔۔بچوں کی رحم کی بھیک مانگتی آنکھیں ۔۔۔۔
پھیلے ہاتھ ۔۔۔۔ٹھنڈا چو لھا ۔
اف ۔۔کہا ں تک ۔۔؟
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
چھو ٹی چھوٹی چو ریا ں کر نے سے بھی حالات کچھ نہ بدلے ۔
کچھ نہ ملا ۔۔۔۔اور ملی بھی تو یہ جیل ۔۔وہ بھی جب ایک سیٹھ کی جیب کا ٹتے وقت اسکے چیخنے چلّا نے سے پو لیس آگئی اور وہ رنگے ہاتھ پکڑا گیا ۔
مار بھی خوب پڑی اور جیل بھی ہوئی تین ماہ کی ۔

ایک ماہ بعد جب جگّو جیل میں آیا جو اسکا جگری دوست اور ماسٹر بھی تھا ۔اسی نے اس کام میں ماہر کیا تھا ،اسنے بتا یا کہ اسکی بیوی کو اسکا بھائی آکر لے گیا ۔بچّے اب ماموں کے پاس چین سے ہیں ۔
گھر پر مکان مالک کا قبضہ ہو گیا ہے ۔
اب کیا بچا ؟؟؟؟کچھ بھی نہیں ۔بس وہ اور اسکی حسرتیں ۔۔گھر میں سکون اور آسودگی سے  رہنے کا ایک خواب ۔
اور اب جیل سے چھّٹی ہو رہی تھی ۔تو کہا ں جانا ہے ؟ روٹی کے لیئے ترسنا ۔۔۔کام نہ ملنا ۔۔۔۔۔۔۔۔۔۔۔۔سب کی جھڑکیاں  جیل سے نکلنے کا لیبل ۔۔۔چور کا لیبل ماتھے پر سجا کر کام ڈھونڈنا ۔

صبح کا اجا لا اپنا اثر دکھا رہا تھا ۔اسنے ایک گلاس پانی پیا ۔
چا روں طرف چڑ یوں کی چہکار تھی ۔اب قیدی کام کے لیئے جگائے جا رہے تھے ۔
ایک گارڈ ڈنڈے مار مار کر سب کو اٹھا رہا تھا ۔اسنے نہ جانے کیا سوچکر پاس پڑی لو ہے کی راڈ اٹھا لی ۔اور گارڈ کے سر پر بھر پور وار کیا ۔
وہ چکرا کر گر گیا ۔شاید مر چکا تھا ۔ہر طرف شور مچ گیا قیدیوں نے اسے گھیر لیا ۔گا رڈ اسکو مارتے ہوئے جیلر کے پاس لیجا رہے تھے ۔
مگر اسنے اپنے سر چھپانے اور روٹی کپڑے کا انتظام کر لیا تھا ۔ختم شد